"سردار جی 3” کا بھارت میں ریلیز کے بغیر اوورسیز میں تاریخ رقم

بھارتی پنجابی فلم "سردار جی 3” جس میں دلجیت دوسانجھ اور پاکستانی اداکارہ ہانیہ عامر نے مرکزی کردار ادا کیے، نے بھارت میں ریلیز نہ ہونے کے باوجود دنیا بھر میں شاندار کامیابی حاصل کر لی ہے۔

15 دن میں 50 کروڑ سے زائد کمائی

فلم نے صرف 15 دنوں میں بیرونِ ملک 50 کروڑ روپے سے زائد کا بزنس کر کے نیا ریکارڈ قائم کیا۔ جمعہ کے دن فلم نے 1.75 لاکھ امریکی ڈالر کا بزنس کیا، جس کے بعد مجموعی اوورسیز آمدن 60 لاکھ ڈالر (تقریباً 51 کروڑ روپے) تک جا پہنچی۔

پنجابی سنیما کا سنگِ میل

یہ فلم پنجابی سینما کی تاریخ کی دوسری فلم بن گئی ہے جس نے اوورسیز میں 50 کروڑ سے زیادہ کمائی کی۔ پہلا اعزاز بھی دلجیت دوسانجھ کی ہی فلم "جٹ اینڈ جولیئٹ 3” کو حاصل ہے۔

کیری آن جٹّا 3 کو پیچھے چھوڑ دیا

"سردار جی 3” نے کیری آن جٹّا 3 (46 کروڑ روپے اوورسیز کمائی) کو پیچھے چھوڑ کر ایک نیا کارنامہ سرانجام دیا ہے۔