جنوبی افریقہ کی جیت, ٹیسٹ سیریز 1-1 سے برابر

جنوبی افریقہ نے دوسرے اور فیصلہ کن ٹیسٹ میچ میں پاکستان کو 8 وکٹوں سے شکست دے کر دو ٹیسٹ میچوں کی سیریز ایک ایک سے برابر کر دی۔چوتھے روز پاکستان اپنی دوسری اننگز میں صرف 138 رنز پر ڈھیر ہو گیا جس کے بعد مہمان ٹیم کو 68 رنز کا آسان ہدف ملا جو جنوبی افریقہ نے 2 وکٹوں کے نقصان پر حاصل کر لیا۔ 9 وکٹیں حاصل کرنے والے کیشو مہاراج کو میچ کا بہترین کھلاڑی جبکہ سینوران متھوسوامے کو سیریز کا بہترین کھلاڑی قرار دیا گیا۔

VGOTEL Mobile Presents Bank Alfalah Pakistan vs South Africa Test Series 2025 🏏

🇿🇦 South Africa won by 8 wickets in the 2nd Test at Rawalpindi Cricket Stadium 🏏#PAKvSA | #GreenPeYaqeen pic.twitter.com/srrfL7VAsU

— Pakistan Cricket (@TheRealPCB) October 23, 2025

پاکستان کی بیٹنگ لائن چوتھے روز مکمل طور پر ناکام رہی اور پوری ٹیم نے صرف 44 رنز کا اضافہ کرکے اپنی آخری 6 وکٹیں گنوائیں۔ بابر اعظم نصف سنچری کے ساتھ نمایاں رہے، تاہم ان کے علاوہ کوئی بیٹر قابلِ ذکر کارکردگی نہ دکھا سکا۔

Babar Azam reaches his 30th Test half-century 💫#PAKvSA | #GreenPeYaqeen pic.twitter.com/PCZAbZrAOQ

— Pakistan Cricket (@TheRealPCB) October 23, 2025

جنوبی افریقہ کی جانب سے سائمن ہرمر نے دوسری اننگز میں 6 وکٹیں حاصل کیں۔جنوبی افریقہ نے پہلی اننگز میں پاکستان کے 333 رنز کے جواب میں 404 رنز بنا کر 71 رنز کی برتری حاصل کی تھی۔ پاکستان کی جانب سے ڈیبیو کرنے والے فیصل نے شاندار بولنگ کرتے ہوئے 6 کھلاڑیوں کو آؤٹ کیا۔واضح رہے کہ سیریز کے پہلے میچ میں پاکستان نے جنوبی افریقہ کو 93 رنز سے شکست دے کر برتری حاصل کی تھی، تاہم دوسرے میچ میں مہمان ٹیم کی کامیابی نے سیریز کو برابر کر دیا۔