پاکستان ایسوسی ایشن آف گریٹر ہیوسٹن کا اجتماع برائے اتحاد و یکجہتی

پاکستان ایسوسی ایشن آف گریٹر ہیوسٹن کے اعلان کے مطابق وہ جمعرات 8 مئی کو شام 7 بجے جناں ہال پاکستان سینٹر ہیوستن میں ایک خصوصی اجتماع کا اہتمام کررہے ہیں۔ جس میں پاکستانی کمیونٹی کو شرکت کی دعوت دی جارہی تھی۔ اس اجتماع کا مقصد اتحاد، یکجہتی اور امن کے پیغام کو فروغ دینا ہے۔ پاکستان ایسوسی ایشن آف گریٹر ہیوسٹن کے مطابق جب ہمارا مادرِ وطن مشکل حالات سے گزر رہا ہو، تو بیرونِ ملک مقیم پاکستانیوں کی ذمہ داری ہے کہ وہ متحد ہو کر یکجہتی کا مظاہرہ کریں۔ یہ پروگرام نہ صرف پاکستان سے اظہارِ یکجہتی ہے، بلکہ اس عزم کا اعادہ بھی ہے کہ ہم امن، برداشت اور بھائی چارے پر یقین رکھتے ہیں۔

پاکستان ایسوسی ایشن آف گریٹر ہیوسٹن کا کہنا ہے کہ چاہے آپ عرصہ دراز سے  امریکا میں  مقیم ہوں یا حال ہی میں آئےہیں۔ آپ کی شرکت اس پیغام کو مضبوط کرے گی کہ ہم ایک ہیں۔  اس تقریب میں کمیونٹی رہنماؤں کے مختصر پیغامات، دعا اور باہمی ملاقات کا موقع شامل ہوگا۔ اس تقریب میں وہ تمام افراد شریک ہوسکتے ہیں جو امن اور اتحاد پر یقین رکھتے ہیں۔ پاکستان ایسوسی ایشن آف گریٹر ہیوسٹن کا کہنا ہے کہ  آئیے مل کر ایک پرامن اور باہمی احترام پر مبنی کمیونٹی کی تشکیل میں اپنا کردار ادا کریں۔ اپنی شرکت کی اطلاع درج محمود احمد کو دیں تاکہ انتظامات بہتر طور پر کیے جا سکیں۔ پاکستان ایسوسی ایشن آف گریٹر ہیوسٹن کا کہنا ہے کہ  آئیے پاکستان کے لیے متحد ہوں۔ آئیے امن کے لیے کھڑے ہوں۔ آپ کی آواز اہم ہے۔ آپ کی موجودگی قیمتی ہے۔