نئی شرائط سے غیر قانونی امیگریشن کی روک تھام ہو گی

وفاقی وزیرِ داخلہ محسن نقوی کی زیرِ صدارت ڈائریکٹوریٹ آف امیگریشن اینڈ پاسپورٹ میں اجلاس ہوا۔ جس میں وزیرِ مملکت برائے داخلہ طلال چوہدری، سیکریٹری داخلہ محمد خرم آغا اور ڈی جی ایف آئی اے رفعت مختار راجہ سمیت دیگر نے شرکت کی۔ اس موقع پر وفاقی وزیرِ داخلہ محسن نقوی کا کہنا تھا کہ  کہ نئی شرائط سے گداگروں  اور غیر قانونی امیگریشن کی روک تھام ہو گی۔ انہوں نے حکم دیا کہ  ڈی پورٹ ہونے والے افراد کے پاسپورٹ بلاک کیے جانے کی ہدایت پر 100 فیصد عمل درآمد یقینی بنایا جائے، نئی مشینوں سے پاسپورٹ آفس کی استعداد کار میں اضافہ ہو گا اور پاسپورٹ کا اجراء تیزی سے ممکن ہو گا۔ اس موقع پر ڈی جی پاسپورٹ نے خوش خبری سنائی کہ  شہریوں کی سہولت کے لیے جلد موبائل ایپ لانچ کی جائے گی۔