بھارتی کرکٹ لیگ آئی پی ایل کو ایک اور دھچکا لگ گیا ہے، کیونکہ آسٹریلیا کے اسٹار آل راؤنڈر گلین میکسویل نے اس سال آئی پی ایل نہ کھیلنے کا اعلان کر دیا ہے۔سوشل میڈیا پر اپنے بیان میں میکسویل نے کہا کہ کئی یادگار سیزنز کھیلنے کے بعد انہوں نے آئی پی ایل میں حصہ نہ لینے کا فیصلہ کیا ہے۔ انہوں نے خوش نصیب ہونے کا اظہار کیا کہ انہیں متعدد ورلڈ کلاس کھلاڑیوں کے ساتھ کھیلنے کا موقع ملا۔ گلین میکسویل نے فالوورز اور شائقین کے سپورٹ پر بھی شکرگزاری کا اظہار کیا۔ واضح رہے کہ اس سے قبل جنوبی افریقہ کے سابق کپتان فاف ڈوپلیسی اور انگلینڈ کے آل راؤنڈر معین علی بھی آئی پی ایل میں حصہ نہ لینے کا اعلان کر چکے ہیں۔ دونوں کرکٹرز اس بار آئی پی ایل کے بجائے پاکستان سپر لیگ میں کھیلیں گے اور اپنی ٹیموں کے لیے میدان میں نظر آئیں گے۔
View this post on Instagram
یہ سلسلہ لیگ کے لیے ایک چیلنج کی طرح سامنے آیا ہے، کیونکہ عالمی اسٹار کھلاڑیوں کی غیر موجودگی آئی پی ایل کے اس سال کے مقابلوں پر اثر ڈال سکتی ہے اور شائقین کی دلچسپی کو متاثر کر سکتی ہے۔
Discussion about this post