کراچی میں بلدیاتی الیکشن پھر ملتوی ؟

سندھ کی کابینہ نے صوبے میں مزید 90 دن کی تاخیر سے الیکشن کرانے کی تجویز منظور کرلی ہے۔ دوسری طرف سندھ حکومت نے اس فیصلے سے الیکشن کمیشن کو بھی باخبر کردیا ہے۔ الیکشن کمیشن کو لکھے گئے خط میں سندھ حکومت کا موقف ہے کہ کراچی میں بلدیاتی الیکشن مزید 90 روز کی تاخیر سے کرائے جائیں۔  سندھ کابینہ نے بلدیاتی ایکٹ 2013 کے اختیارات کے تحت اس تجویز کو منظور کیا ہے۔ یاد رہے کہ امکان ظاہر کیا جارہا تھا کہ کراچی میں بلدیاتی الیکشن رواں ماہ کے اختتام تک ہوجائیں۔ کراچی میں اب تک تین بار بلدیاتی الیکشن موخر ہوچکے ہیں۔