نون لیگ کے رہنما خواجہ سعد رفیق نے سوشل میڈیا پر جاری بیان میں کہا ہے کہ اسلام آباد پر قبضے کے لیے پی ٹی آئی کی خیبرپختونخوا حکومت ماضی میں بھی وفاق پر حملے کرتی رہی ہے لیکن نتیجہ انتشار، نفرت اور معاشی تباہی میں بڑھاوے کے سوا کچھ نہیں نکلا۔ انہوں نے خبردار کرتے ہوئے کہا کہ اس مرتبہ بھی اسلام آباد پر چڑھائی اور قبضہ کرنے آئے تو بطور حکمران ان کے لیے واپس جانا ناممکن ہو جائے گا۔ نیا 9 مئی کرنے کے بجائے اپنی لمبی زبانیں اور ہاتھ پاؤں لپیٹ کر عقل کا استعمال کریں۔ یاد رہے کہ وزیراعلیٰ خیبرپختونخوا علی امین گنڈا پور نے وفاقی حکومت سے حق دینے کا مطالبہ کرتے ہوئے کہا تھا کہ کہ اگر ایسا نہ ہوا تو حکومت گرا کر اسلام آباد پر قبضہ کر لیں گے۔
Discussion about this post