بھارت کے معروف کامیڈین اور میزبان کپل شرما ایک نئے تنازع میں پھنس گئے ہیں۔ ان کے شو دی گریٹ انڈین کپل شو میں فلم ہیرا پھیری کے مشہور کردار بابو راؤ کو پیش کرنے پر فلم پروڈیوسر فیروز ناڈیاوالا نے 25 کروڑ روپے کا لیگل نوٹس بھیج دیا ہے۔
یہ کردار شو میں کامیڈین کیکو شردا نے نبھایا، جس پر الزام ہے کہ یہ کاپی رائٹ اور ٹریڈ مارک کی خلاف ورزی ہے۔ ناڈیاوالا نے صرف شو کو ہی نہیں بلکہ اس کے اسٹریمنگ پلیٹ فارم نیٹ فلکس کو بھی نوٹس بھیج دیا ہے۔ یاد رہے کہ فلم ہیرا پھیری میں بابو راؤ گنپت راؤ آپٹے کا کردار سینئر اداکار پاریش راول نے ادا کیا تھا، جو بھارت سمیت پاکستان میں بھی بےحد مقبول ہوا اور آج بھی ناظرین کو ہنسا ہنسا کر لوٹ پوٹ کر دیتا ہے۔ پروڈیوسر فیروز ناڈیاوالا کا مؤقف ہے کہ وہ اس کردار کے قانونی حقوق کے مالک ہیں اور شو میں اسے ان کی اجازت کے بغیر پیش کیا گیا۔ اب دیکھنا یہ ہے کہ کپل شرما اور ان کی ٹیم اس معاملے سے کیسے نمٹتے ہیں۔
Discussion about this post