ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ پاکستان نے دہشت گردی اور فتنۃ الخوارج کے خلاف مؤثر اقدامات کیے ہیں اور دشمن کی کسی بھی جارحیت کے خلاف پاک فوج اور پوری قوم سیسہ پلائی ہوئی دیوار ثابت ہوگی۔ لیفٹیننٹ جنرل احمد شریف چوہدری نے مردان کی مختلف جامعات اور مدارس کے اساتذہ و طلبہ سے خصوصی نشست میں شرکت کی۔ اس موقع پر عبد الولی خان یونیورسٹی، وومن یونیورسٹی، یونیورسٹی آف انجینئرنگ اینڈ ٹیکنالوجی اور مدارس کے طلبہ و اساتذہ موجود تھے۔ نشست میں معرکۂ حق، حالیہ پاک افغان کشیدگی، سیکیورٹی صورتِ حال اور خطے میں درپیش چیلنجز پر تفصیلی گفتگو ہوئی۔لیفٹیننٹ جنرل احمد شریف چوہدری نے خطاب میں کہا کہ
’’پاکستان نے دہشت گردی اور خوارج کے فتنے کے خلاف بھرپور اور مؤثر کارروائیاں کیں، اور اگر دشمن نے کسی بھی قسم کی جارحیت کی کوشش کی تو پاک فوج اور قوم ڈٹ کر مقابلہ کرے گی۔‘‘
View this post on Instagram
تقریب کے دوران طلباء و اساتذہ نے شہداء اور غازیوں کو خراجِ تحسین پیش کرتے ہوئے کہا کہ ڈی جی آئی ایس پی آر کی بات چیت سے پاک فوج کے حوالے سے کئی ابہام دور ہوئے ہیں۔ انہوں نے کہا کہ قوم، امن کی کوششوں اور ملکی تعمیر و ترقی میں فوج کے کردار کو قدر کی نگاہ سے دیکھتی ہے۔ شرکاء کا کہنا تھا کہ انہیں یہ آگاہی بھی ملی کہ ملک دشمن عناصر کس طرح سوشل میڈیا پر افواجِ پاکستان اور ریاستی اداروں کے خلاف پروپیگنڈا کرتے ہیں۔ اساتذہ نے کہا کہ پاک فوج نے ملک کو درپیش خطرات کے خاتمے کے لیے بے مثال قربانیاں دی ہیں، اب قوم کی ذمہ داری ہے کہ افواجِ پاکستان کے شانہ بشانہ کھڑی ہو۔
Discussion about this post