ہیڈ کوچ کی نئی ذمے داری مل گئی

پاکستانی کرکٹ بورڈ نے گرانٹ بریڈبرن کو 2 سال کے لیے پاکستان ٹیم کا ہیڈ کوچ مقرر کردیاگیاہے۔ گرانٹ بریڈبرن  نے نیوزی لینڈ کے خلاف حالیہ سیریز میں بطور کنسلٹنٹ کام کیا تھا اور یہ سیریز پاکستان نے چار ایک سے جیتی تھی۔ گرانٹ اس سے پہلے  2018 سے 2020 تک پاکستان ٹیم کے فیلڈنگ کوچ رہ چکے ہیں جس کے بعد انہوں نے قومی کرکٹ اکیڈمی میں بھی خدمات انجام دی تھیں۔ گرانٹ بریڈبرن کا تعلق نیوزی لینڈ سے ہے اور وہ اسکاٹ لینڈ کے ہیڈ کوچ بھی رہے ہیں۔ اس نئی ذمے داری پر گرانٹ بریڈبرن کا کہنا ہے کہ پاکستانی جیسی باصلاحیت ٹیم کے ساتھ کام کرنا اعزاز ہے۔ گرانٹ بریڈبرن کے مطابق نیوزی لینڈ کے خلاف سیریز بہت اہم رہی جس سے کھلاڑیوں کو رول کلچر اور جیت کے برانڈ کو سمجھنے میں مدد ملی۔