بہت ہوگیا، اب 9 مئی کی دھول بیٹھنی چاہیے

تحریک انصاف کے چیئرمین بیرسٹر گوہر خان نے قومی اسمبلی میں اظہار خیال کرتے ہوئے بہت ہوگیا ہے، 9 مئی کے معاملے پر اگر حکومت کمیشن نہیں بنانا چاہتی تو اسے حقیقت کی طرف دیکھنا چاہیے، حکومت اس دھول کو بٹھائے اور آگے کی طرف بڑھے۔مطالبہ ہے کہ جو 9 مئی کے ذمہ داران ہیں، ان کو انصاف کے کٹہرے میں لایا جائے۔ بیرسٹر گوہر خان نے دعویٰ کیا کہ پی ٹی آئی احتجاج کے لیے جو لوگ اسلام آباد آئے وہ پرامن لوگ تھے،  ان میں کسی کے پاس اسلحہ نہیں  تھا،  تمام ویڈیوز دیکھ لیں، ثابت ہوجائے گا کہ ان کے پاس وہ بندوقیں نہیں تھیں جن سے وہاں فائرنگ کی گئی۔

اگر گولی چلی ہے تو پھر ذمہ داران کا تعین تو ہونا چاہیے، حکومت کو احساس نہیں کہ یہ لاوا روز کتنا بڑھتا جارہا ہے، ظلم آخرکار ایک روز مٹ ہی جانا ہے۔ ہمیں انصاف دیا جائے، ہم اس ایوان سے انصاف کا مطالبہ کرتے ہیں، ہمیں دوبارہ سڑکوں پر آنے پر مجبور نہ کیا جائے۔