پاکستانی فوج کا ایک اور تاریخی کارنامہ ، دنیا کی مشکل ترین فوجی مشق "کیمبرین پیٹرول 2025” میں پاکستان آرمی نے شاندار مہارت اور عزم کے ساتھ گولڈ میڈل اپنے نام کر لیا۔ آئی ایس پی آر کے مطابق، یہ عالمی سطح کی سب سے سخت اور پیچیدہ فوجی مشقوں میں شمار ہوتی ہے، جس میں شرکت کرنے والی ٹیموں کو 48 گھنٹوں کے اندر 60 کلو میٹر طویل دشوار گزار پہاڑی راستہ عبور کرنا ہوتا ہے۔ پاکستانی ٹیم نے نہ صرف یہ فاصلہ برق رفتاری سے طے کیا بلکہ اس دوران اعلیٰ پیشہ ورانہ صلاحیت، نظم و ضبط، اور عسکری حکمت عملی کا مظاہرہ کرتے ہوئے مختلف فوجی مشقیں اور مشن کامیابی سے مکمل کیے۔
View this post on Instagram
کیپٹن محمد سعد کی قیادت میں پاکستانی ٹیم نے اپنی بے مثال کارکردگی کے بل پر گولڈ میڈل حاصل کیا، جو پاکستان آرمی کے اعلیٰ تربیتی معیار اور غیر متزلزل عزم کا ثبوت ہے۔ ویلز میں 3 سے 13 اکتوبر تک جاری رہنے والی اس بین الاقوامی مشق میں 36 ممالک کی 137 ٹیموں نے حصہ لیا مگر ان سب میں سبز ہلالی پرچم ایک بار پھر سب سے اونچا لہرا گیا۔یہ فتح صرف ایک میڈل نہیں، بلکہ دنیا کو یہ پیغام ہے کہ پاکستانی فوج بہادری، مہارت اور عزم میں کسی سے کم نہیں۔
Discussion about this post