فواد چوہدری کے بھائی بھی گرفتار

جہلم میں فراز چوہدری کی گرفتاری اُس وقت ہوئی جب فواد چوہدری کے حق میں تحریک انصاف کے کارکن احتجاج اور مظاہرہ کررہے تھے۔ جہلم کے جی ٹی روڈ پر ان مظاہرین نے ٹائرجلائے اور خاصی دیر تک احتجاج کرتے رہے۔ پولیس نے مظاہرین کو منتشر کرنے کی کوشش کی اور جب اس میں ناکامی ہوئی تو پی ٹی آئی کے ضلعی جنرل سیکرٹری فراز چوہدری کو گرفتار کرکے تھانے منتقل کردیا گیا ہے۔ دوسری جانب فواد چوہدری جن کا راہدری ریمانڈ منظور ہوچکا ہے ان کا لاہور کے سروسز اسپتال میں میڈیکل بورڈ نے طبی معائنہ مکمل کرلیا۔

Fawad Chaudhary’s brother Faraz Chaudhary arrested in Jhelum pic.twitter.com/nxZY75Q74p

— Murtaza Ali Shah (@MurtazaViews) January 25, 2023

فواد چوہدری کی ای سی جی، بلڈ پریشر اور شوگر نارمل ہے۔ تحریک انصاف کے رہنما کے سی بی سی، آر ایف ٹی، ایل ایف ٹی کیا گیا، گردوں کے ٹیسٹ بھی کیے گئے جبکہ میڈیکل بورڈ نے ایکسرے لینے کی بھی تجویز دی ہے۔