بانی پی ٹی آئی نے اچھا اور مثبت فیصلہ کیا کہ حکومت سے بات چیت کی جائے،

ایک بیان میں سینیٹر فیصل واؤڈا کا کہنا ہے کہ بشریٰ بی بی، حواری اور قاسم سوری جیسے لوگوں نے خان کو پاگل قرار دینے سے مارنے تک کی سازش کی ہے۔  یہ سب مل کر بانی پی ٹی آئی کو اس دلدل میں لے جا رہے ہیں جہاں سے واپسی نہ ہو۔ ان کے مطابق بانی پی ٹی آئی کا  ایکس اکاؤنٹ منظم پروپیگنڈا کے لیے استعمال کیا جا رہا ہے، وہ خود ایکس ہینڈل نہیں چلا رہے، یہ وہی پروپیگنڈا کمپین ہے جس کا میں ذکر کر رہا ہوں۔گزشتہ روز اسٹیبلشمنٹ کے خلاف جان بوجھ کر گھٹیا ٹوئٹ آگ لگانے کے لیے لکھا گیا، یہ گھٹیا ٹوئٹ بانی پی ٹی آئی نے نہیں باہر بیٹھے سازشیوں نے لکھا۔ ‏سینیٹر فیصل واؤڈا نے کہا کہ بانی پی ٹی آئی نے اچھا اور مثبت فیصلہ کیا کہ حکومت سے بات چیت کی جائے، انہوں نے اچھا اور مثبت فیصلہ کیا کہ سڑکوں کے بجائے اسمبلیوں کا رخ کیا جائے۔ بانی پی ٹی آئی کے ایکس اکاؤنٹ کو وقتی طور پر نظر انداز کریں ورنہ نقصان زیادہ ہو گا۔