پنجگور: ڈیم ورکرز پر حملہ، 5 افراد جاں بحق

ترجمان بلوچستان حکومت کے مطابق فائرنگ سے 2 افراد زخمی ہوئے جن کی حالت خطرے سے باہر ہے، لاشوں اور زخمیوں کو اسپتال پہنچا دیا گیا ہے۔ ضلعی انتظامی افسران جائے موقع پر موجود ہیں اور واقعے کی تحقیقات کی جا رہی ہے۔ وزیر اعلیٰ بلوچستان میر سرفراز بگٹی نے فائرنگ کے واقعے کی مذمت کی ہے ۔ ان کا کہنا ہے کہ دہشت گردی کا واقعہ قابل مذمت اور ناقابل معافی ہے، دہشت گرد ترقی اور امن کے مخالف ملک دشمن عناصر کے پیروکار ہیں۔ سرفراز بگتی کے مطابق ہ دہشت گرد بزدل ہیں، جنہوں نے رات کی تاریکی میں معصوم افراد کو نشانہ بنایا، ملوث دہشت گردوں کو منطقی انجام تک پہنچایا جائے گا۔