پاکستان پیپلزپارٹی کے چیئرمین بلاول بھٹو زرداری نے کہا ہے کہ سیلاب متاثرین کی بحالی اور کسانوں کی مدد کو انا یا سیاسی ججمنٹ کا شکار نہیں ہونا چاہیے، بلکہ وفاقی حکومت کو عالمی سطح پر امداد طلب کرنے میں ہچکچاہٹ نہیں کرنی چاہیے۔ کراچی میں پریس کانفرنس کے دوران بلاول بھٹو زرداری نے بتایا کہ انہوں نے وزیراعظم شہباز شریف سے درخواست کی تھی کہ ملک میں حالیہ سیلاب کے بعد زرعی اور موسمیاتی ایمرجنسی نافذ کی جائے اور متاثرہ علاقوں میں کسانوں کے بجلی کے بل معاف کیے جائیں۔ انہوں نے خوشی کا اظہار کیا کہ وفاقی حکومت نے ان کی سفارشات پر عمل کرتے ہوئے نہ صرف ایمرجنسی نافذ کی بلکہ متاثرہ رہائشیوں کے بجلی کے بل بھی معاف کرنے کا اعلان کیا۔
سندھ حکومت کی اقدامات
چیئرمین پیپلزپارٹی نے کہا کہ انہوں نے وزیراعلیٰ سندھ سے بھی بات کی اور کہا کہ صوبائی حکومت چھوٹے کسانوں اور ذمینداروں کو فوری سپورٹ فراہم کرے۔ سندھ حکومت نے فیصلہ کیا ہے کہ بینظیر ہاری کارڈ یا شناختی کارڈ کے ذریعے ایسے کسانوں کو مدد فراہم کی جائے گی، خاص طور پر وہ جو 1 سے 25 ایکڑ زمین رکھتے ہیں۔ انہوں نے بتایا کہ سندھ حکومت کسانوں کو ڈی اے پی اور یوریا کی خریداری میں مالی مدد فراہم کرے گی تاکہ کسانوں کی فصل محفوظ ہو اور گندم برآمد نہ کرنا پڑے۔ بلاول بھٹو نے کہا کہ یہ اقدام زرعی شعبے کے فروغ اور ملکی وسائل کے مؤثر استعمال کی سمت اہم پیش رفت ہے۔
وفاقی حکومت کی مداخلت کی ضرورت
بلاول بھٹو زرداری نے کہا کہ اگر وفاقی اور صوبائی حکومتیں بروقت مداخلت کریں تو نہ صرف سیلاب کے مزید نقصانات کو روکا جا سکتا ہے بلکہ پاکستان پر درآمدات کے بل کو بھی کم کیا جا سکتا ہے۔ انہوں نے زور دیا کہ ملکی وسائل کو ملک کے اپنے کسانوں پر خرچ کرنا زیادہ مؤثر ہے تاکہ ہم گندم کی درآمد کے بجائے برآمد کرنے کی پوزیشن میں آئیں۔
عالمی اداروں سے تعاون
چیئرمین بلاول نے کہا کہ وفاقی حکومت کو آئی ایم ایف اور دیگر عالمی اداروں سے بات کر کے سپورٹ پرائس اور کم قیمت کھاد کی فراہمی پر نظرثانی کرنی چاہیے، تاکہ کسانوں کی مدد ہو سکے اور زرعی پیداوار میں استحکام آئے۔
صوبوں میں نقصانات کا جائزہ
انہوں نے واضح کیا کہ سیلاب سے ہونے والے نقصانات اب بھی جاری ہیں، خاص طور پر سندھ کے کچے علاقوں اور جنوبی پنجاب میں تاریخی پیمانے پر نقصان ہوا ہے۔ انہوں نے سندھ حکومت کی اس عزم کی تعریف کی کہ وہ متاثرین کو اکیلا نہیں چھوڑے گی۔
Discussion about this post