ٹوکیو میں جاری ورلڈ ایتھلیٹکس چیمپئن شپ میں پاکستان کے اولمپک گولڈ میڈلسٹ ارشد ندیم فائنل کے ابتدائی مرحلے میں ہی میڈل کی دوڑ سے باہر ہوگئے۔ ارشد ندیم نے پہلی تھرو میں 82.73 میٹر کا فاصلہ طے کیا، دوسری تھرو فاؤل ہوئی جبکہ تیسری کوشش میں وہ 83.75 میٹر تک پہنچ سکے۔ ان کی چوتھی تھرو بھی فاؤل ہوگئی۔ دو فاؤلز کے باعث وہ ٹاپ 8 راؤنڈ میں جگہ نہ بنا سکے۔
View this post on Instagram
بھارت کے نیرج چوپڑا نے 84.03 میٹر کی بہترین تھرو کی جبکہ جرمنی کے جولین ویبر نے 86.11 میٹر اور بھارت کے سچن یادو نے 86.27 میٹر کی شاندار تھرو کر کے سب کو حیران کیا۔ اس سے قبل کوالیفائنگ راؤنڈ میں ارشد ندیم نے ابتدائی دو کمزور تھروز کے بعد تیسری کوشش میں 85.28 میٹر کا نیزہ پھینک کر فائنل کے لیے کوالیفائی کیا تھا۔28 سالہ ارشد ندیم انجری اور سرجری کے بعد اس چیمپئن شپ میں شریک ہوئے تھے، تاہم وہ اپنی بہترین کارکردگی دکھانے میں کامیاب نہ ہوسکے۔
Discussion about this post