خیبر کی سرزمین پر عزم کی فتح: 22 دہشت گرد خاک میں ملا دیے

پاکستان کی بہادر سیکیورٹی فورسز نے ایک بار پھر ثابت کر دیا کہ اس سرزمین کے محافظ نہ سوتے ہیں اور نہ تھکتے ہیں۔ ضلع خیبر کی وادیوں میں 21 اپریل 2026 کو ایک درست اور ماہرانہ انٹیلی جنس بیسڈ آپریشن کے نتیجے میں فتنۃ الخوارج کے 22 خطرناک دہشت گرد ہمیشہ کے لیے ختم کر دیے گئے۔ آئی ایس پی آر کے مطابق جب خوارج کی موجودگی کی خبر ملی تو سیکیورٹی فورسز اور قانون نافذ کرنے والے اداروں نے مشترکہ طور پر ایسا جال بچھایا جس سے نکلنا دہشت گردوں کے بس کی بات نہ رہی۔ فائرنگ کے شدید تبادلے میں پاک فوج کے جوانوں کی بے مثال مہارت کے سامنے بھارتی سرپرستی میں پلنے والے یہ  درندے ایک ایک کر کے ڈھیر ہوتے چلے گئے۔ تاہم اس کامیابی کے ساتھ ایک دل دہلا دینے والی خبر بھی آئی۔  ہلاک شدہ دہشت گردوں کے پاس سے بھاری مقدار میں اسلحہ اور گولہ بارود بھی برآمد ہوا، جو اس بات کا ثبوت ہے کہ یہ عناصر علاقے میں تباہی پھیلانے کی مکمل تیاری کے ساتھ آئے تھے۔سیکیورٹی فورسز نے واضح کیا ہے کہ وژن عزم استحکام کے تحت یہ مہم اس وقت تک جاری رہے گی جب تک خطے کا آخری دہشت گرد بھی سرنگوں نہ ہو جائے۔