8 لگاتار چھکے، بھارتی کرکٹر کا نیا ریکارڈ

انڈیا کے شہر سورت میں رنجی ٹرافی کے میچ کے دوران میگھالیہ ٹیم کے بلے باز آکاش کمار چوہدری نے کرکٹ کے شائقین کو حیران کر دیا۔ انہوں نے اروناچل پردیش کے خلاف کھیلتے ہوئے محض 11 گیندوں پر 50 رنز بنائے اور مسلسل آٹھ چھکوں کے ساتھ دو ریکارڈ اپنے نام کر لیے۔ یہ کارنامہ فرسٹ کلاس کرکٹ میں نہ صرف تیز ترین نصف سنچری کا ریکارڈ ہے بلکہ آکاش وہ پہلے کھلاڑی بھی بن گئے ہیں جنہوں نے مسلسل آٹھ چھکے لگائے۔

🚨 Record Alert 🚨

First player to hit eight consecutive sixes in first-class cricket ✅

Fastest fifty, off just 11 balls, in first-class cricket ✅

Meghalaya’s Akash Kumar etched his name in the record books with a blistering knock of 50*(14) in the Plate Group match against… pic.twitter.com/dJbu8BVhb1

— BCCI Domestic (@BCCIdomestic) November 9, 2025

25 سالہ آکاش کمار چوہدری کو عام طور پر ایک تیز گیند باز کے طور پر جانا جاتا ہے، لیکن سورت میں ان کی بلے بازی نے سب کو حیرت میں ڈال دیا۔ میچ کے دوسرے دن، وہ اس وقت کریز پر آئے جب میگھالیہ کا سکور چھ وکٹوں کے نقصان پر 576 رنز تھا۔ پہلی گیند پر انہوں نے کوئی رنز نہیں بنائے، لیکن اس کے بعد دو سنگل بنا کر کریز پر سیٹ ہوئے اور پھر بائیں ہاتھ کے سپنر لیمار ڈابی کی گیندوں پر مسلسل چھ چھکے مارے۔ یہ کارنامہ انہیں فرسٹ کلاس کرکٹ کے ایک اوور میں چھ چھکے لگانے والے صرف تیسرے بلے باز کے طور پر نمایاں کرتا ہے، اس فہرست میں پہلے گیری سوبرز اور روی شاستری شامل ہیں۔آکاش نے اپنے زوردار بیٹنگ مظاہرے کو جاری رکھتے ہوئے اگلی دو گیندوں پر بھی چھکے لگائے، اور یوں محض 11گیندوں میں نصف سنچری مکمل کر کے لیسٹرشائر کے بلے باز وین وائٹ کا 2012 کا ریکارڈ توڑ دیا، جنہوں نے 12 گیندوں پر 50 رنز بنائے تھے۔