پاک بھارت ٹیمیں ایک بار پھر مد مقابل آنے کو تیار

پاکستان اور بھارت کی ایمرجنگ کرکٹ ٹیمیں ایک بار پھر ٹکرانے کو تیار ہیں، جب ایشیا کے نوجوان کرکٹرز دوحہ میں ایشیا کپ رائزنگ اسٹارز 2025 میں مدمقابل ہوں گے۔ایشین کرکٹ کونسل (اے سی سی) نے ایمرجنگ ایشیا کپ کا نام بدل کر ایشیا کپ رائزنگ اسٹارز رکھ دیا ہے، جو 14 سے 23 نومبر تک ٹی ٹوئنٹی فارمیٹ میں کھیلا جائے گا۔ اس دوران مجموعی طور پر 15 میچز ہوں گے، جن میں گزشتہ ماہ متحدہ عرب امارات میں ہونے والے ایشیا کپ میں شریک آٹھ ٹیمیں حصہ لیں گی۔ ایونٹ میں شامل ٹیمیں یہ ہیں: پاکستان، بھارت، افغانستان، سری لنکا، بنگلادیش، عمان، متحدہ عرب امارات اور ہانگ کانگ۔ پاکستان اے اور بھارت اے کو ایک ہی گروپ میں یو اے ای اور عمان کے ساتھ رکھا گیا ہے، جبکہ گروپ اے میں بنگلادیش اے، افغانستان اے، سری لنکا اے اور ہانگ کانگ شامل ہیں۔

The stage is set, the stars are ready 🤩

From fiery clashes to fresh rivalries ~ it all unfolds in Doha, Qatar! 🇶🇦

Here’s your first look at the #DPWorldAsiaCupRisingStars2025 fixtures 🫡

Who will rise to the top? 👀#ACC pic.twitter.com/gze3cb1xmt

— AsianCricketCouncil (@ACCMedia1) October 31, 2025

اہم میچ: پاکستان اور بھارت گروپ مرحلے میں 16 نومبر کو ایک دوسرے کے سامنے آئیں گے۔ ایونٹ میں سپر فور مرحلہ نہیں ہوگا، لہٰذا پاکستان اور بھارت کے درمیان زیادہ سے زیادہ دو میچز ہی ممکن ہیں۔ ہر گروپ کی دو ابتدائی ٹیمیں سیمی فائنل میں جگہ بنائیں گی، اور فائنل 23 نومبر کو کھیلا جائے گا۔ گزشتہ ایڈیشن میں افغانستان نے فائنل میں سری لنکا اے کو شکست دے کر ٹائٹل اپنے نام کیا تھا۔