امریکہ اور بھارت میں 10 سالہ دفاعی تعاون معاہدہ

امریکہ کے وزیرِ جنگ پیٹ ہیگسیتھ نے اعلان کیا ہے کہ امریکہ اور بھارت کے درمیان دس سالہ دفاعی تعاون کے فریم ورک پر دستخط ہو گئے ہیں، جسے دونوں ممالک کے درمیان تعلقات میں ایک تاریخی پیشرفت قرار دیا جا رہا ہے۔

I just met with @rajnathsingh to sign a 10-year U.S.-India Defense Framework.

This advances our defense partnership, a cornerstone for regional stability and deterrence.

We’re enhancing our coordination, info sharing, and tech cooperation. Our defense ties have never been… pic.twitter.com/hPmkZdMDv2

— Secretary of War Pete Hegseth (@SecWar) October 31, 2025

سوشل میڈیا پلیٹ فارم ایکس (X) پر جاری بیان میں پیٹ ہیگسیتھ نے بتایا کہ انہوں نے بھارتی وزیر دفاع راج ناتھ سنگھ سے ملاقات کی، جس میں علاقائی سلامتی، ٹیکنالوجی کے تبادلے اور دفاعی معلومات کے اشتراک جیسے اہم امور پر بات چیت ہوئی۔ ان کے مطابق، "یہ معاہدہ امریکہ–بھارت دفاعی شراکت کو ایک نئی بلندی تک لے جائے گا۔ ہمارے تعلقات کبھی اس قدر مضبوط نہیں رہے۔” خبر رساں ادارے روئٹرز کے مطابق، بھارت امریکی فوجی سازوسامان خریدنے میں دلچسپی رکھتا ہے اور دونوں ممالک کے درمیان اس سلسلے میں مزید مذاکرات متوقع ہیں۔ امریکی وزیرِ جنگ نے جمعے کو ملائیشیا میں جاری آسیان دفاعی اجلاس کے دوران بھارت اور چین کے وزرائے دفاع سے علیحدہ ملاقاتیں بھی کیں۔انہوں نے مزید کہا کہ امریکہ نے چین کو واضح پیغام دیا ہے کہ وہ "اپنے مفادات کا بھرپور دفاع کرے گا” اور ہند بحرالکاہل (Indo-Pacific) خطے میں طاقت کے توازن کو برقرار رکھنے کے لیے پرعزم ہے۔پیٹ ہیگسیتھ نے چین کی جنوبی بحیرہ چین اور تائیوان کے گرد بڑھتی سرگرمیوں پر تشویش کا اظہار کرتے ہوئے کہا کہ امریکہ اپنے اتحادیوں کے ساتھ مل کر خطے میں امن و استحکام کے لیے مؤثر کردار ادا کرتا رہے گا۔