دنیا کی سب سے بڑی کرکٹ باڈی، انٹرنیشنل کرکٹ کونسل نے خواتین کرکٹ کے فروغ کے لیے ایک تاریخی قدم اٹھا لیا ہے۔ پہلی بار "آئی سی سی ویمنز کرکٹ وِیک” منانے کا اعلان کر دیا گیا ہے۔یہ خصوصی ہفتہ 16 سے 22 اکتوبر 2025 تک منایا جائے گا، جس کا مقصد خواتین کرکٹ کی ترقی، آگاہی، اور شرکت کو عالمی سطح پر فروغ دینا ہے۔
یہ اقدام بھارت میں جاری آئی سی سی ویمنز ورلڈ کپ کے موقع پر منظم کیا جائے گا۔آئی سی سی کے چیئرمین جے شاہ کے مطابق یہ خواتین کرکٹ کے لیے ایک نئے دور کا آغاز ہے، جس میں نہ صرف عالمی سطح پر خواتین کھلاڑیوں کی کامیابیوں کو سراہا جائے گا بلکہ ہر اُس لڑکی کو بھی حوصلہ دیا جائے گا جو ہاتھ میں بلا یا گیند اٹھانے کا خواب دیکھتی ہے۔ جے شاہ نے کہا کہ "ویمنز کرکٹ وِیک” اراکین ممالک کو اپنی کمیونٹیز میں خواتین کے کھیل کو فروغ دینے کا شاندار موقع فراہم کرے گا۔ پاکستان ،انگلینڈ، جنوبی افریقہ، اور نیوزی لینڈ سمیت کئی ممالک نے اس مہم کے لیے عزم ظاہر کیا ہے۔ انگلینڈ اور ویلز کرکٹ بورڈ نے ۔تفریحی کرکٹ اور ٹی20 ورلڈ کپ 2026 کے لیے جوش و خروش بڑھانے کی مہم شروع کر دی ہے۔ جنوبی افریقہ میں، پروٹیاس وکٹ کیپر کارابو میسو کے اسکول میں ایک روزہ ایونٹ ہوگا، جس میں پینل ڈسکشن، منی میچز، اور سابق پروٹیاس کھلاڑیوں کے درمیان نمائشی میچ شامل ہوگا۔ ادھر نیوزی لینڈ میں نوجوان لڑکیوں کے لیے ایک دلچسپ منی ورلڈ کپ کا انعقاد کیا گیا ہے۔ آئی سی سی کے مطابق، ۔ ایسوسی ایٹ رکن ممالک بھی اس مہم کا حصہ بنیں گے، جہاں تین اہم پہلوؤں پر کام کیا جائے گا واچ پارٹیز کے ذریعے آگاہی، خواتین کوچز کی تربیت، اور "کریو” پروگرام کے تحت خواتین کی شرکت بڑھانے کے ایونٹس۔ ماہرین کے مطابق یہ اقدام عالمی سطح پر خواتین کرکٹ کے وقار، پہچان، اور مستقبل کو مضبوط بنانے میں ایک سنگِ میل ثابت ہوگا۔
Discussion about this post