لندن ہائی کورٹ نے بریگیڈیئر (ر) راشد نصیر کے حق میں فیصلہ دیتے ہوئے یوٹیوبر عادل راجہ کو تقریباً 13 کروڑ روپے ہرجانہ اور عدالتی اخراجات ادا کرنے کا حکم دے دیا۔عدالت نے قرار دیا کہ عادل راجہ نے جھوٹے اور بے بنیاد الزامات لگا کر بریگیڈیئر (ر) راشد نصیر کو بدنام کیا۔ مزید یہ کہ عدالت نے عادل راجہ کو حکم دیا ہے کہ وہ اپنے تمام سوشل میڈیا پلیٹ فارمز پر فیصلے کا خلاصہ شائع کرے اور جھوٹے الزامات دوبارہ نہ دہرائے۔ سماعت کے دوران بریگیڈیئر (ر) راشد نصیر نے بتایا کہ انہیں اور ان کے خاندان کو دھمکیاں دی گئیں۔جج رچرڈ اسپئیرمین نے فیصلے میں کہا کہ ان میڈیا آئٹمز سے راشد نصیر کی شہرت کو نقصان پہنچا۔ واضح رہے کہ بریگیڈیئر (ر) راشد نصیر نے نو میڈیا آئٹمز کو ہتک آمیز قرار دے کر ہائی کورٹ سے رجوع کیا تھا۔
Discussion about this post