آصف علی زرداری نے ایوان صدر میں چین کے وزیر اعظم سے ملاقات کی اور دہشت گرد حملے میں 2 چینی شہریوں کی ہلاکت پر تعزیت کی۔ ان کا کہنا تھا کہ دلخراش واقعہ پوری قوم کے لیے تکلیف کا باعث بنا اور پاک چین دوستی کے دشمن چینی شہریوں کو نشانہ بنا کر دوطرفہ تعلقات خراب کرنے کی کوشش کر رہے ہیں۔ چینی وزیراعظم نے پاکستان اور چین اچھے بھائی، پڑوسی، شراکت دار اور دوست ہیں اور پاکستان اور چین اپنی شراکت داری کو نئی بلندیوں تک لے جانے کے لیے تعاون جاری رکھیں گے۔ صدر پاکستان نے نے تنازعہ مقبوضہ کشمیر پر پاکستان کی حمایت پر چین کا شکریہ ادا کرتے ہوئے کہا کہ پاکستان کو باہمی اہمیت کے اہم مسائل پر چین کی ہمیشہ غیر متزلزل حمایت حاصل رہی ہے۔ دونوں رہنماؤں نے پاکستان اور چین کے درمیان معیشت، سرمایہ کاری اور علاقائی روابط سمیت اہم شعبوں میں اسٹریٹجک تعاون مزید فروغ دینے کے عزم کا اعادہ کرنے کے ساتھ ساتھ پاک-چین اقتصادی راہداری منصوبوں پر عملدرآمد تیز کرنے کی ضرورت پر بھی زور دیا۔ اس موقع پر آصف علی زرداری نے چینی وزیر اعظم سے گفتگو میں کہا کہ نومبر میں چین کا دورہ کریں گے اور پرانے دوستوں کے ساتھ رابطے کے قیام اور تعلقات کو مزید مضبوط بنانے کے لیے بات چیت کا منتظر ہیں۔
Discussion about this post