سینیٹ کی نشستوں کے لیے پولنگ جاری

ایوان بالا کی  30 نشستوں پر الیکشن کے لیے پولنگ جاری ہے۔ ان نشستوں پر 59 امیدوار مقابلے پر ہیں۔  سندھ کی 12، خیبرپختونخوا کی 11، پنجاب کی 5 جبکہ اسلام آباد کی دو نشستوں پر پولنگ ہو رہی ہے۔ قومی اسمبلی سمیت سندھ، پنجاب اور خیبرپختونخوا کے اسمبلی ہالز کو پولنگ اسٹیشنز میں تبدیل کر دیا گیا ہے۔ پولنگ کا آغاز صبح شروع ہوا جو شام 4 بجے تک جاری رہےگا۔ یاد رہے کہ سینیٹ کی 48 نشستوں میں سے 18 پر امیدوار پہلے ہی بلا مقابلہ منتخب ہوچکے ہیں۔