14 ایمی ایوارڈز کی نامزدگیاں: ” اسکویڈ گیمز” کی نئی تاریخ

74 ویں پرائم ٹائم ایمی ایوارڈز کا رنگا رنگ میلہ 13 ستمبر کو لاس ایجنلز میں ہونے جارہا ہے۔ جس میں کورین او ٹی ٹی ویب سیریز ” اسکویڈ گیمز” مختلف کیٹگریز میں 14 نامزدگیاں حاصل کرکے وہ پہلی سیریز بن گئی ہے جو انگریزی میں بھی نہیں لیکن اس کے باوجود ” اسکویڈ گیمز” نے اس قدر نامزدگیاں حاصل کیں۔ یاد رہے کہ گزشتہ سال ریلیز ہونے والی اس تہلکہ خیز ویب سیریز نے دنیا بھر میں کامیابی کے ڈنکے بجائے تھے جبکہ اسے مختلف زبانوں میں بھی متنقل کرکے پیش کیا گیا۔

سنسنی خیزی سے بھرے لمحات کی بنا پر ” اسکویڈ گیمز” کی پسندیدگی کا گراف بلندی کی جانب ہی رہا۔ یہی وجہ ہے کہ کورین ویب سیریز کے بارے میں پرستاروں کا یہ مطالبہ تھا کہ اس کا دوسرا سیزن بھی آنا چاہیے۔ ایمی ایوارڈز میں سب سے زیادہ جس فلم کی نامزدگیاں ہوئی ہیں، وہ ” سکسیشن” ہے، جو 25 نامزدگیوں کے ساتھ سرفہرست ہے۔ اس کے بعد ٹیڈ لاسو اور دی وائٹ لوٹس نے بیس بیس نامزدگیاں حاصل کی ہیں۔