کوہلی کی کپتانی سے ریٹائرمنٹ پر عامر کے ٹوئٹ نے بھارتیوں کے دل جیت لیے

بھارتی کرکٹ کی تاریخ کے سب سے زیادہ کامیاب کپتان ویرات کوہلی اندروانی سازشوں کے باعث قیادت چھوڑنے پر مجبور ہوئے  ہیں دنیا بھر میں کوہلی کی بطور ٹیسٹ کپتان کامیابیوں کو سراہا جارہا ہے۔ ایسے میں پاکستان کے فاسٹ بالر محمد عامرکے ایک ٹوئٹ نے بھارتیوں کو بھی نہال کردیا۔ محمد عامر نے لکھا کہ کوہلی آپ میرے لیے بھائی کی طرح ہیں۔ کرکٹ کی آنے والی نسلوں کے حقیقی لیڈر بھی۔کیونکہ آپ نوجوان کھلاڑی کے لیے مشعل راہ ہیں۔ اسی طرح میں میدان میں فیلڈ میں پرجوش رہیے گا۔

@imVkohli brother for me u are a true leader of upcoming generation in cricket because u are inspiration for young Cricketers. keep rocking on and of the field. pic.twitter.com/0ayJoaCC3k

— Mohammad Amir (@iamamirofficial) January 15, 2022

ایک صارف راٹھور پٹوڈ ی لکھتے ہیں کہ پاکستان میں بھی کوہلی سے اس قدر پیار دیکھ کر بہت اچھا لگا۔

شیوا وی کے نے محمد عامر کا شکریہ ادا کیا اور ساتھ ہی لکھا کہ وہ ان کے فیورٹ بالر ہیں۔ ڈاکٹر سیدہ عظمیٰ کہتی ہیں کہ کرکٹ ایک دوسرے جوڑتی ہے۔ایک سمکشھا رائے نے اسے بہترین اسپورٹس مین کی مثال قرار دیا۔

کچھ ایسے ہی ملتے جلتے خیالات دیگر صارفین کے بھی ہیں۔ محمد عامر اور ویرات کوہلی کی دوستی خاصی چرچا میں رہی ہے۔ کوہلی تو ایک موقع پر اپنا بلا بھی محمد عامرکو تحفے کے طور پر دے چکے ہیں۔ محمد عامر کئی بار کوہلی کو آؤٹ بھی کرچکے ہیں۔ جبھی سابق بھارتی کپتان نے محمد عامر کو دنیا کا بہترین فاسٹ بالر بھی تسلیم کیا تھا۔