پنجاب اسمبلی کے ڈپٹی اسپیکر دوست محمد مزاری سے سابق وزیراعلیٰ عثمان بزدار نے ملاقات کی ہے۔ دوست محمد مزاری نے بذریعہ ٹوئٹ اس ملاقات کے بارے میں آگاہ کیا ہے۔ جس میں انہوں نے لکھا کہ ’میں سائیں عثمان بزدار صاحب کا مشکور ہوں کہ آپ میری خیریت پوچھنے میرے گھر تشریف لائے۔ بزدار صاحب نے آج کھل کر دل کی باتیں کی، ان سے بہت زیادتی کی گئی وہ پارٹی سے وفادار تھے لیکن پارٹی نے ان کو پرویز الہی صاحب کے لیے قربان کر دیا۔ بزدار صاحب سے کیا گفتگو ہوئی، پھر کبھی شیئر کروں گا۔’
میں سائیں عثمان بزدار صاحب کا مشکور ہوں کہ آپ میری خیریت پوچھنے میرے گھر تشریف لائے۔
بزدار صاحب نے آج کھل کر دل کی باتیں کی، ان سے بہت زیادتی کی گئی وہ پارٹی سے وفادار تھے لیکن پارٹی نے ان کو پرویز الہی صاحب کے لیے قربان کر دیا
بزدار صاحب سے ہونے والی گفتگو پھر کبھی شیئر کروں گا pic.twitter.com/JKUfT1ee80— 𝐒𝐚𝐫𝐝𝐚𝐫 𝐃𝐨𝐬𝐭 𝐌 𝐌𝐚𝐳𝐚𝐫𝐢 (@DostMMzari) April 17, 2022
یاد رہے کہ ڈپٹی اسپیکر دوست محمد مزاری کی سربراہی میں ہفتے کو پنجاب اسمبلی کا ہنگامہ خیز اجلاس ہوا تھا۔ جس میں پی ٹی آئی اور قاف لیگ کے ارکان نے اُن پر حملہ بھی کیا لیکن اس کے باوجود انہوں نے قائد ایوان کا انتخاب لگ بھگ 7 گھنٹے کی تاخیر سے کرایا۔ جس میں 197 ارکان نے نون لیگ کے حمزہ شہباز کے حق میں اپنے ووٹ کا استعمال کیا۔
Discussion about this post