ثنا جاوید کے خلاف ماڈلز اور میک اپ آرٹسٹ کا مورچہ

سوشل میڈیا پر اس وقت ”دو ٹکے کی عورت” کے بعد ”دو ٹکے کی ماڈل” کی بازگشت ہے جہاں صارفین کی جانب ان الفاظ کی شدید مذمت کی جارہی ہے وہیں کچھ صارفین اداکارہ ثنا جاوید کی پابندی کا بھی مطالبہ کررہے ہیں لیکن ان چرچوں میں اداکارہ ثنا جاوید قصوروار کیوں؟ اداکارہ ثنا جاوید پر تنقید کے تیر برسنے کا سلسلہ اس وقت شروع ہوا جب ماڈل منال سلیم نے اداکارہ کا نام لیے بغیر ان کے ساتھ کام کرنے کے تجربے کو تنقید کا نشانہ بنایا، ماڈل نے اپنے کلائنٹ سے درخواست کرتے ہوئے کہا کہ اب وہ کسی بھی اداکارہ کے ساتھ کام نہیں کریں گی، یہ اداکارائیں ہمیں ’’دو ٹکے کی ماڈلز‘‘ سمجھتی ہیں۔ ہم بھی کام کرنے آتے ہیں مفت میں ذلیل ہونے نہیں آتے۔

ماڈل منال سلیم کی پوسٹ وائرل ہونے کے بعد ان کی حمایت پر کئی میک اپ آرٹسٹ اور ساتھی ماڈلز سامنے آئے جنھوں نے اداکارہ ثنا جاوید کی جانب اشارہ کرتے ہوئے کام کے دوران ان کی بد لحاظی اور بدتمیزی کی کہانیاں شیئر کی۔

مقبول ترین میک آرٹسٹ اکرام گوہر، ریان تھامس اور دیگر نے بھی کئی ایسی مثالیں شیئر کیں جن میں انہوں نے اداکارہ ثناء جاوید کے نامناسب رویے اور بدسلوکی کو برداشت کیا اور انہیں انتہائی غیر پیشہ وارانہ اداکارہ قرار دیا۔

 

View this post on Instagram

 

A post shared by Rhyan Thomas (@irhyanthomas)

ساتھی ماڈلز اور میک اپ آرٹسٹ کی جانب سے اداکارہ ثنا جاوید پر انگلیاں اٹھنے کے بعد سوشل میڈیا واریئرز نے بھی موقع ہاتھ سے جانے نہ دیا اور اداکارہ پر پابندی لگانے کا مطالبہ کرنے لگے جبکہ کچھ صارفین نے ثنا جاوید کو ان تمام لوگوں سے معافی مانگنے کو کہا جن سے انہوں نے بدسلوکی کی ہے۔

Sana Javed should stop being such a bully to her colleagues. If she really, really can’t deal with her anger issues, I would be more than willing to let her yell at me.😏

— Grumpy Desi Dreamer (@grumpydesimil) March 9, 2022

 بہرحال ثنا جاوید کا ماڈل منال سلیم اور دیگر میک اپ آرٹسٹوں کے الزامات پر فی الحال کوئی موقف سامنے نہیں آیا تاہم انہوں نے لوگوں کی بے تحاشہ تنقید کے بعد اپنے انسٹاگرام اکاؤنٹ پر کمنٹ سیکشن کو بند کردیا ہے۔