میٹا نے ایک ہزار سے زائد فیس بک اور انسٹاگرام اکاؤنٹس کیوں بند کردیے؟

غیر قانونی سائبر سرگرمیوں میں ملوث پیسہ کمانے والے گروپس کے خلاف سماجی روابط کی ویب سائٹس کمپنی میٹا متحرک۔ ہیکنگ میں ملوث گروپس سے منسلک ایک ہزار فیس بک اور انسٹاگرام پیجز کو ہٹا دیا گیا اور 50 ہزار سے زائد افراد کو سیاسی و سماجی کارکنوں اور صحافیوں کی جاسوسی میں ملوث کمپنیوں کو انتباہ جاری کیا ہے۔ اے ایف پی کی رپورٹ کے مطابق 100 سے زائد کمپنیوں کا تعلق اسرائیل سے ہے جن میں کوب ویبز ٹیکنالوجیز، کوگنیٹ، بلیک کیوب اور بلیو ہاک سے منسلک اکاؤنٹس جن کی لوکیشن اسرائیل کی ہے انہیں میٹا کے پلیٹ فارم سے ہٹادیا گیا ہے۔ میٹا انتظامیہ کے مطابق انڈیا میں قائم کمپنی بیل ٹروایکس، جنوبی مشرقی یورپ میں واقع نارتھ میکڈونیا کی کمپنی سائیٹروکس اور چین کی ایک نامعلوم فرم سے منسلک کچھ اکاؤنٹس پر بھی پابندی عائد کردی ہے۔ جن کا دعویٰ ہے کہ وہ صرف جرائم پیشہ افراد اور دہشتگردوں کو نشانہ بناتے ہیں۔ لیکن میٹا انتظامیہ نے اپنے بیان میں کہا کہ اصل میں یہ کمپنیاں صحافیوں، سماجی کارکنان اور اپوزیشن اراکین کے اہلخانہ اور حکومت کے ناقدین کو نشانہ بناتے ہیں اور ان کی نجی معلومات تک رسائی حاصل کرکے نقصان پہنچانے کی کوشش کرتے ہیں۔ ہم نے ان پلیٹ فارمز اور گروپس کو فیس بک اور انسٹاگرام سے ہٹادیا گیا ہے۔