افغان پولیس کمانڈر نذر محمد کو قتل کردیا گیا

افغانستان کے صوبے قندھار سے تعلق رکھنے والے معروف کامیڈین نذر محمد کو اغوا کر کے قتل کر دیا گیا ہے۔

افغان ذرائع ابلاغ سے جاری خبروں کے مطابق کامیڈین کے وحشیانہ قتل پر دنیا حیرت میں مبتلا ہے، جبکہ افغان طالبان کی جانب واقعہ سے لاعلمی کا اظہار کرتے ہوئے کہا گیا ہے کہ قتل طالبان نہیں کیا۔

میڈیا رپورٹس کے مطابق نذر محمد المعروف خاشا زوان کے خاندان نے الزام عائد کرتے ہوئے کہا ہے کہ انہیں طالبان نے قتل کیا ہے۔ واضح رہے کہ گزشتہ جمعے کی رات کو نذر محمد کو نامعلوم افراد نے اُن کے گھر سے گھسیٹ کر نکالا اور گھر کے سامنے فائرنگ کر کے قتل کر دیا گیا تھا۔

رپورٹس کے مطابق سوشل میڈیا پر ایک ویڈیو بھی زیر گردش ہے جس میں بظاہر طالبان نظر آنے والے افراد نذر محمد کو گاڑی میں بٹھا کر طمانچے مار رہے ہیں اور ڈرایا دھمکا رہے ہیں۔

ویڈیو منظر عام پر آنے کے بعد مختلف حلقوں نے واقعہ کی شدید مذمت اور مقتول کامیڈین کو خراج عقیدت پیش کیا ہے۔ تاہم یہ بات سامنے نہ آسکی کہ یہ ویڈیو کس نے بنا کر سوشل میڈیا پر اپ لوڈ کی تھی۔