فلم ٹو اسٹیٹس میں عالیہ بھٹ کے والد کا کردار ادا کرنے والے اداکار اور اسکرین رائٹر شیو سبرامنیم چل بسے۔ ان کی موت کی وجہ فی الحال معلوم نہیں ہوسکی ہے۔ تاہم فلمساز اشوک پنڈت اور ہنسل مہتا نے ٹویٹر پر سبرامنیم کے موت کی تصدیق کی۔
اشوک پنڈٹ نے ٹویٹ کرتے ہوئے لکھا کہ ‘ہمارے پیارے دوست، ایک عظیم اداکار اور ایک شاندار انسان شیو سبرامنیم کے انتقال کے بارے میں جان کر انتہائی صدمہ اور تکلیف پہنچی ہے۔ ان کی اہلیہ سے میری دلی تعزیت ہے۔ 52 سالہ سبرامنیم کو سال 1989 کی فلم پرندا اور سدھیر مشرا کی فلم ہزاروں خوائشیں ایسی کے لیے اسکرین پلے لکھنے کے لیے جانا جاتا ہے۔
اس کے علاوہ فلم 2 اسٹیٹس میں عالیہ بھٹ کے والد کا کردار ادا کرکے انہوں نے لوگوں کا دل جیت لیا تھا۔ انہیں آخری بار نیٹ فلکس کی فلم ‘مناکشی سندریشور’ میں دیکھا گیا تھا۔
Discussion about this post