فلم فیئر مڈل ایسٹ اچیورز ایوارڈز میں شوبز ستاروں کی بہار

دبئی کی عوام نے ستاروں کی کہکشاؤں کو اس وقت قریب سی دیکھا جب بالی ووڈ اور پاکستانی فنکاروں کی جھلملاہٹ میں فلم فیئر مڈل ایسٹ اچیورز ایوارڈز کی تقریب منعقد کی گئی، جس میں ستاروں کی شاندار پرفارمنس نے ہر ایک کے دل جیتے، معروف گلوکاروں نے اپنے سریلی آواز کے ذریعے ایک جادوئی سماں باندھ دیا جبکہ سال بھر شاندار پرفارمنس دینے والوں کو اعزازات سے بھی نوازا گیا۔

پاکستانی اداکارہ ماہرہ خان کو فلم فیئر مڈل ایسٹ اچیورز ایوارڈ دیا گیا، دو دہائیوں سے بہترین کرگردگی دکھانے والی بھارتی اداکارہ کاجل کو پاورہاؤس پرفارمنس کا ایوارڈ دیا گیاجبکہ شروتی حسن، طاہرہ کشپ، آیوشمان کھرانہ اور ستار سعد نے بھی اعزازات اپنے نام کیے۔

اس پروقار تقریب میں پاکستان کی دیگر مقبول ترین شخصیات نے بھی شرکت کی، جن میں سجل علی ان کے شوہر احد رضامیر، شہریار منور،فیصل قریشی، عائشہ عمر،باکسر عامر خان اور انکی اہلیہ فریال مخدوم تقریب کا حصہ بنیں۔