آئی سی سی مینز ٹی ٹوئنٹی ٹیم آف دی ائیر کے لیے بابراعظم کپتان مقرر

انٹرنیشنل کرکٹ کونسل کے مطابق بابراعظم جہاں کپتان ہوں گے، وہیں پاکستان کے دو اور کھلاڑی محمد رضوان بطور وکٹ کیپر اور شاہین شاہ آفریدی فاسٹ بالر کے طور پر کھیلیں گے۔ آئی سی سی مینز ٹی ٹوئنٹی ٹیم آف دی ائیرکے دیگر کھلاڑیوں میں جوز بٹلر، ایڈن مارکرم، مچل مارش اور ڈیوڈ ملر  شامل ہیں۔

اس کے علاوہ تبریز شمسی، جوش ہیزل ووڈ، وانندو ہسارنگا اور مستفیض الرحمان بھی ٹیم کا حصہ ہیں۔ آئی سی سی ٹی ٹوئنٹی ٹیم آف دی ایئر میں کوئی بھی بھارتی کرکٹر شامل نہیں ۔