زید خان ٹیسوری کا اعزاز، مہینے بھر میں ایک لاکھ سے زیادہ سبسکرائبرز

گورنر سندھ کامران خان ٹیسوری کے انتہائی کم عمر اور پرعزم صاحبزادے زید خان ٹیسوری نے کمال کر دکھایا۔ زید خان ٹیسوری نے صرف ایک ماہ میں یوٹیوب پر ایک لاکھ سے زیادہ سبسکرائبر بنا کر نیا ریکارڈ بنادیا۔ وہ یہ اعزاز پانے والے سب سے کم عمریوٹیوبر ہیں۔ زید خان ٹیسوری نے رواں سال فروری میں اپنا یو ٹیوب چینل ” زید خان ٹیسوری ” کا ۤآغاز کیا تھا جس میں وہ اپنے گیمنگ ویڈیوز، تفریحی وی لاگز اور معروف شخصیات سے ملاقات کو پیش کرتے ہیں۔ اس عرصے میں زید خان ٹیسوری نے ڈکی بھائی سے لے کر معاذ صفدر سے ملاقاتیں  کرکے انہیں بھی اپنے یوٹیوب چینل کا حصہ بنایا۔ اسی طرح کہانی سنو فیم کیفی خلیل بھی زید کی ایک ویڈیو میں جلوہ افروز ہوئے۔

صرف 12 سال کے عمر میں  انہوں نے یہ اعزاز پایا ہے کہ ان کے مہینے بھر میں لاکھ سے زیادہ سبسکرائبرز ہوگئے۔ زید خان ٹیسوری صرف یو ٹیوب پر ہی نہیں دیگر سوشل میڈیا پلیٹ فارم ٹک ٹاک، انسٹا گرم اور فیس بک پر خاصے فعال ہیں، جہاں ان کے چاہنے والؤں کی تعداد میں بھی دن بدن اضافہ ہورہا ہے۔