عالمی بینک کا اعلیٰ سطح کا وفد پاکستان پہنچ گیا ہے جو وزیراعظم، وزیر خزانہ اور اعلیٰ حکام کے علاوہ تاجر رہنماؤں، اساتذہ اور سول سوسائٹی کے نمائندوں کے ساتھ ملاقاتیں کرے گا۔ عالمی بینک کا وفد صوبوں کا بھی دورہ کرے گا، عالمی بینک نےجنوری میں پاکستان کے لیے 10 سالہ کنٹری پارٹنرشپ فریم ورک (سی پی ایف) منظور کیا تھا اور 40 ارب ڈالرز دینے کا وعدہ کیا تھا۔ توسیعی فریم ورک کے تحت 6 کلیدی ترقیاتی شعبوں پر توجہ مرکوز کی جائے گی، سی پی ایف کا مقصد چائلڈ اسٹننگ کو کم کرنا، موسمیاتی تبدیلیوں کی روک تھام ہے۔ سی پی ایف کے تحت 6 کروڑ افراد کو صاف پانی اور صفائی کی سہولتوں کی فراہمی یقینی بنانا ہوگی، 3 کروڑ افراد کے لیے غذائی تحفظ کو مضبوط بنانا ہوگا جبکہ مانع حمل کی رسائی کو 3 کروڑ خواتین تک بڑھانا ہوگا۔
Discussion about this post