الیکشن میں ووٹر ٹرن آؤٹ 47.6 فیصد رہا، فافن رپورٹ

پاکستان بھر میں 2024 کے الیکشن کا ووٹر ٹرن آؤٹ 47.6 فیصد رہا جو 2018 کے الیکشن سے کم ریکارڈ کیا گیا ہے۔ فری اینڈ فیئر الیکشن نیٹ ورک (فافن) کی طرف  سے 8 فروری کو ہونے والے انتخابات سے متعلق ووٹر ٹرن آؤٹ پر جائزہ رپورٹ کے  الیکشن 2024 کے مقابلے میں 2018 کا ووٹر ٹرن آؤٹ زیادہ تھا جو 52.1 فیصد ریکارڈ کیا گیا تھا۔ 2024 میں 6.06 کروڑ ووٹرز نے اپنے حق رائے دہی کا استعمال کیا، الیکشن 2024 میں یہ تعداد 12.86 کروڑ ہوگئی۔  فافن کی رپورٹ  قومی اسمبلی کے حلقوں میں سب سے زیادہ ٹرن آؤٹ این اے 214 تھرپارکر میں رہا جہاں 70.9 فیصد عوام نے ووٹ ڈالا۔ اسی طرح سب سے کم ٹرن آؤٹ این اے 42 جنوبی وزیرستان میں رہا جہاں صرف 16.3 فیصد عوام نے ووٹ کاسٹ کیا۔ اسلام آباد میں 2018 کے مقابلے میں ووٹر ٹرن آؤٹ 58.3 فیصد رہا، گزشتہ انتخابات میں یہ اعدادوشمار 54.2 فیصد رہے تھے۔ خیبر پختونخوا میں 2018 کا ووٹر ٹرن آؤٹ 44 فیصد تھا اور الیکشن 2024 میں یہ 39.5 فیصد رہا۔ اسی طرح پنجاب میں 2018 کا ووٹر ٹرن آؤٹ 56.8 فیصد جبکہ الیکشن 2024 میں یہ 51.6 فیصد رہا۔ سندھ میں 2018 کا ووٹر ٹرن آؤٹ 47.2 فیصد تھا جو الیکشن 2024 میں 43.7 فیصد رہا۔ بلوچستان میں 2018 کا ووٹر ٹرن آؤٹ 45.3 فیصد تھا، یہ الیکشن 2024 میں 42.9 فیصد تھا۔