تین یورپی ممالک آئرلینڈ، سپین اور ناروے کی جانب سے فلسطینی ریاست کو تسلیم کرنے کے اعلان کے بعد امریکہ نے اپنی تشویش کا اظہار کیا ہے۔ وائٹ ہاؤس کے قومی سلامتی کے مشیر جیک سولیوان نے پریس بریفنگ کے دوران بتایا کہ فلسطینی ریاست کو تسلیم کرنے کے حوالے سے ہر ملک اپنا فیصلہ خود کر سکتا ہے لیکن صدر جو بائیڈن کے خیال میں فریقین کے درمیان براہ راست مذاکرات بہترین طریقہ ہے۔ صدر بائیڈن کا خیال تو یہ بھی ہے کہ 2 ریاستی حل جو اسرائیل کی سکیورٹی اور مستقبل میں فلسطینی عوام کے وقار اور سلامتی کا ضامن ہو، خطے میں سب کے لیے طویل مدتی سلامتی اور استحکام کا بہترین طریقہ ہے۔ امریکہ اپنی پوزیشن کے حوالے شراکت داروں کو آگاہ کرتا رہے گا، دیکھتے ہیں آگے کیا ہوتا ہے۔ یاد رہے کہ بدھ کو یورپی ممالک ناروے، آئر لینڈ اور سپین کے رہنماؤں نے فلسطین کو بطور ریاست تسلیم کرنے کا اعلان کیا تھا۔
Discussion about this post