ایران غیر مشروط طور پر ہتھیار ڈال دے

امریکی صدر ڈونلڈ ٹرمپ نے ایک بار پھر دنیا کو حیران کر دیا ہے اپنے بے باک بیان سے، جہاں انہوں نے ایران کی قیادت اور فوجی طاقت کو شدید دھچکا پہنچانے کا دعویٰ کیا ہے۔ ان کے الفاظ میں، ایران کی اعلیٰ ترین قیادت ختم ہو چکی ہے، اب صرف تیسرے درجے کی باقی رہ گئی ہے۔ یہ ایک ایسی حقیقت ہے جو امریکی اور اتحادی افواج کی غیر معمولی کارروائیوں کی گواہی دیتی ہے۔ صدر ٹرمپ نے واضح طور پر اعلان کیا کہ ایران کی فوج، بحریہ اور فضائیہ تقریباً مکمل طور پر تباہ  ہو چکی ہیں۔ ان کے بقول، ایران کے تمام 32 بحری جہاز سمندر کی گہرائیوں میں دفن ہو چکے ہیں، جبکہ کمیونیکیشن کا نظام بھی تباہ ہو گیا ہے۔ یہ تباہی امریکی بحریہ، فضائیہ اور جدید ہتھیاروں کی بدولت ممکن ہوئی، جو ایران کی بحری طاقت کو چند ہی دنوں میں ختم کرنے میں کامیاب رہے۔ انہوں نے امریکی فوج کی کارکردگی کو غیر معمولی اور شاندار قرار دیتے ہوئے بتایا کہ ایران کی جوہری صلاحیت پر B-2 اسٹیلتھ بمبار طیاروں سے تباہ کن حملے کیے گئے۔ یہ وہ بمبار ہیں جو دنیا کے سب سے طاقتور اور پوشیدہ ہتھیاروں میں شمار ہوتے ہیں، جنہوں نے ایران کے زیر زمین جوہری اور میزائل ٹھکانوں کو نشانہ بنا کر اس کی طویل مدتی خطرات کو جڑ سے اکھاڑ پھینکنے کی کوشش کی ہے۔