ویب سیریز” اسکوئڈ گیم ” کے سیزن 2 کا سنسنی خیز ٹریلر جاری

مقبول  جنوبی کورین تھرلر سیریز میں لی جونگ جے، جو سیزن 1 میں ’سیونگ گی ہن‘ المعروف ’پلیئر 456‘کا کردار ادا کررہے تھے ، ایک بار پھر جان لیوا گیم  میں آرہے ہیں ، سیریز کے سیزن 2 کی اس نئی داستان  میں ’گی ہن‘ کا کردار اسکوئڈ گیم کو ختم کرنے اور معصوم جانوں کو بچانے کے لیے پرعزم نظر آتا ہے۔

 ٹریلر میں دکھایا گیا ہے کہ وہ ’ریڈ لائٹ، گرین لائٹ‘ گیم کے دوران دوسرے  کھلاڑیوں کو بچانے کی کوشش کرتے ہیں لیکن ناکامی سے دوچار ہیں جب افراتفری پھیل جاتی ہے اور گولیاں چلنے لگتی ہیں۔ اس دورانگی ہن گارڈز سے لڑتے ہیں اور اپنی زندگی بچانے کی جدوجہد کرتے ہیں۔ستمبر میں نیٹ فلکس کی جانب کے  ایک ایونٹ میں اسکوئڈ گیم سیزن 2 کی مختصر جھلک بھی دکھائی گئی تھی، جس میں گی ہن کا نیا مشن دکھایا گیا تھا۔ کروڑوں ڈالرز کمانے والی اس سیریز کا دوسرا سیزن 26 دسمبر کو ریلیز کیا جائے گا۔