پنجاب میں آٹھویں جماعت کے بورڈ امتحانات بحال کرنے کا فیصلہ

پنجاب کے وزیر تعلیم رانا سکندر حیات کی زیرِ صدارت ہونے والے ایک اہم اجلاس میں صوبے بھر میں آٹھویں جماعت کے بورڈ امتحانات کی بحالی کا فیصلہ کیا گیا ہے۔اجلاس سے خطاب کرتے ہوئے وزیر تعلیم نے کہا کہ:

"آٹھویں کلاس کے طلبا و طالبات کے لیے بورڈ امتحانات کا نظام دوبارہ نافذ کیا جا رہا ہے تاکہ تعلیمی معیار کا مؤثر جائزہ ممکن ہو اور طلبا کی کارکردگی کو بہتر طریقے سے پرکھا جا سکے۔”

اس فیصلے کے تحت:

• آٹھویں جماعت کے طلباء بورڈ کے تحت امتحانات دیں گے

• جبکہ پانچویں، چھٹی اور ساتویں جماعت کے امتحانات کو انٹرنل اسسمنٹ ٹیسٹ کے ذریعے منعقد کیا جائے گا

وزیر تعلیم نے متعلقہ حکام کو ہدایت جاری کی کہ ایک ماہ کے اندر اندر اسسمنٹ ٹیسٹ کے لیے جامع اور معیاری طریقہ کار تیار کیا جائے۔ اس سسٹم کے ذریعے طلبا اور اساتذہ کی تعلیمی کارکردگی کا باقاعدہ تجزیہ کیا جائے گا۔

دیگر اہم نکات:

• پانچویں سے ساتویں جماعت تک کے اندرونی امتحانی نظام کو مؤثر بنانے پر اتفاق

• نہم، دہم اور گیارہویں جماعت کی نصابی کتب کو ویڈیو فارمیٹ میں تبدیل کرنے کی تجویز بھی زیرِ غور

یہ فیصلہ تعلیمی اصلاحات کے اس تسلسل کا حصہ ہے جس کا مقصد پنجاب کے اسکولوں میں معیارِ تعلیم کو بہتر بنانا اور طلبا کو عالمی تعلیمی تقاضوں کے مطابق تیار کرنا ہے۔

پنجاب میں آٹھویں جماعت کے بورڈ امتحانات کا سلسلہ پانچ سال قبل ختم کر دیا گیا تھا، جسے اب دوبارہ بحال کیا جا رہا ہے۔