میں نے کب کہا کہ میرا گانا کاپی کیا ہے؟

پاکستان کے شہرت یافتہ گلوکار سجاد علی نے سوشل میڈیا پر ایک وضاحتی بیان کی ویڈیو جاری کی ہے۔ جس میں ان کا کہنا ہے کہ انہوں نے کبھی نہیں کہا کہ شاہ رخ خان اور دپیکا پدوکون کی نئی فلم ” پٹھان ” کا گیت ” بے شرم رنگ کی دھن ان کے گانے کی چرائی ہوئی ہے۔ سجاد علی کہتے ہیں کہ انہوں نے کبھی یہ نہیں کہا کہ اُن کا گانا کاپی کیا گیا ہےبلکہ انہوں نے تو یہ کہا تھا کہ اس گانے کو سن کر انہیں اپنا ایک پرانا گیت یاد آگیا۔

Take it easy guys….. pic.twitter.com/ZdqBOoqjBX

— Sajjad Ali (@sajjad_official) January 3, 2023

سجاد علی کے مطابق انہوں نے گزشتہ ویڈیو میں کسی گلوکار، میوزک ڈائریکٹر اور یہاں تک کہ اداکار کا بھی نام نہیں لیا تھا۔ سجاد علی کا تو یہاں تک کہنا ہے کہ انہیں یہ بیان دے کر کہ ان کے گانے کو چرایا گای سستی شہرت حاصل کرنے کی کوئی ضرورت نہیں۔ یاد رہے کہ پٹھان کے گانے ” بے شرم رنگ ”  کا نام لیے بغیر سجاد علی نے اپنی گزشتہ ویڈیو میں کہا تھا کہ یو ٹیوب پر ایک گیت کو سنا تو انہیں اپنا 26 سال پرانا گانا یاد آگیا جس کے بعد انہوں نے ” اب کے ہم بچھڑے تو کبھی خوابوں میں ملے ” کو گنگنایا۔

After listening to a new movie’s song, It reminded me of my song I released 26 years ago, Ab Ke Hum Bichare. Enjoy!! pic.twitter.com/X86Jw34R8k

— Sajjad Ali (@sajjad_official) December 26, 2022

اب یہ سوشل میڈیا صارفین ہی تھے جنہوں نے از خود یہ بتادیا کہ دراصل سجاد علی فلم ” پٹھان ” کے گیت ” بے شرم رنگ ” کی بات کررہے ہیں۔