ملتان میں تحریک انصاف حقیقی کا اعلان کردیا گیا ہے جس کے چیئرمین راؤ یاسر نے پریس کانفرنس سے بھی خطاب کیا۔ جن کا کہنا تھا کہ سابق وزیراعظم عمران خان کے غلط فیصلوں، یوٹرن اور انا پرستی نے ملک اور پارٹی کو نازک حالات تک پہنچادیا ہے۔ 9 مئی کو جو کچھ ہوا وہ قابل مذمت ہے، ایسا عمل کوئی دشمن بھی نہیں کرسکا جو اپنوں نے کیا۔ توقع ہے کہ اس نوعیت کے واقعات دوبارہ رونما نہیں ہون گے۔ اس سوال کے جواب میں تحریک انصاف حقیقی بنانے کا فیصلہ کیوں کیا تو راؤ یاسر کا کہنا تھا کہ کارکنوں قیادت کے رویے کی وجہ سے خاصی خائف ہے۔ ایسے لوگوں کو ساتھ لے کر چلیں گے جو پاکستان کے ساتھ مخلص ہوں گے۔ ایک دو دن میں پارٹی کو رجسٹرڈ بھی کرالیا جائے گا اور اکتوبر یا نومبر میں جب بھی الیکشن ہوں گے تو اس میں بھرپور حصہ لیں گے۔
Discussion about this post