پاکستان ٹیلی کمیونیکیشن اتھارٹی کے مطابق سوشل میڈیا پر نفرت انگیز مواد دیکھنے پر صارف ایف آئی اے یا پی ٹی اے کو اطلاع کرسکتے ہیں۔ پی ٹی اے نے ایک بار پھر واضح کیا ہے کہ ملکی دفاع، سالمیت اور تحفظ کے خلاف آن لائن مواد پھیلانا غیرقانونی ہے، ریاست مخالف، گستاخانہ، نفرت انگیز مواد کی سزا 7 سال قید اور جرمانہ یا دونوں ہو سکتے ہیں۔ پی ٹی اے کا کہنا ہے کہ عظمت اسلام یا کسی بھی فرقے یا مذہب کے خلاف سوشل میڈیا پر مواد پھیلانا سنگین جرم ہے، تعزیرات پاکستان کے تحت اس کی سزا، سزائے موت، عمر قید اور جرمانہ ہے۔ سوشل میڈیا پر نسل، مذہب یا فرقہ واریت پر کسی طبقے یا شخص کے خلاف آن لائن مواد کی تشہیر جرم ہے، نفرت انگیز مواد پھیلانے سے دل آزاری اور مذہبی منافرت بھی بڑھ سکتی ہے۔.
نفرت انگیز مواد پر ایف آئی اے یا پی ٹی اے کا ایکشن
Discussion about this post