پی ایس ایل 8 کے ڈرافٹ 15 دسمبر کو

پاکستان سپرلیگ کے اگلے سیزن کے لیے کھلاڑیوں کی ڈرافٹنگ کی تقریب کراچی میں 15 دسمبر کو ہونے جارہی ہے۔  کرکٹ بورڈ کے مطابق ڈرافٹ کی تاریخ اور مقام کا فیصلہ تمام فرنیچائزرز کی رضامندی سے ہوا ہے جبکہ ڈرافٹ کے مقام کا اعلان بعد میں کیا جائے گا۔ ڈائریکٹر ٹورنامنٹ عثمان واہلہ کا کہنا ہے کہ بہترین کھلاڑیوں کی دستیابی  کے بعدپی ایس ایل 8 ایک اچھا ایونٹ ہونے جارہا ہے۔ ایونٹ 9 فروری سے 19 مارچ تک لاہور، ملتان، کراچی اور راولپنڈی میں کھیلا جائے گا جس میں دفاعی چیمپین لاہور قلندر پاکستان سپر لیگ  8 میں اپنے ٹائٹل کا دفاع کرے گی۔