غزہ جنگ بندی کے قریب، پاکستان ہمیشہ فلسطینی عوام کے ساتھ کھڑا رہے گا‘

وزیراعظم پاکستان شہباز شریف نے کہا ہے کہ غزہ میں جنگ بندی کے امکانات پہلے سے کہیں زیادہ روشن ہو چکے ہیں اور پاکستان ہمیشہ فلسطینی عوام کی حمایت جاری رکھے گا۔سماجی رابطوں کے پلیٹ فارم ایکس (سابقہ ٹوئٹر) پر اپنے پیغام میں وزیراعظم نے تحریر کیا:

’’ہم اس المناک نسل کشی کے آغاز کے بعد آج اس مقام پر کھڑے ہیں جہاں فلسطینی عوام کے لیے جنگ بندی پہلے سے کہیں زیادہ قریب ہے۔ پاکستان نے ہمیشہ فلسطینی عوام کا ساتھ دیا ہے اور  ہمیشہ دیتا رہے گا۔‘‘

Alhamdolillah, we are closer to a ceasefire than we have been since this genocide was launched on the Palestinian people. Pakistan has always stood by the Palestinian people and shall always do so.

Gratitude is due to President Trump, as well as to leaderships of Qatar, Saudia…

— Shehbaz Sharif (@CMShehbaz) October 4, 2025

وزیراعظم نے مزید کہا کہ وہ امریکی صدر ڈونلڈ ٹرمپ سمیت قطر، سعودی عرب، متحدہ عرب امارات، ترکی، اردن، مصر اور انڈونیشیا کی قیادت کے شکر گزار ہیں جنہوں نے اقوام متحدہ کی جنرل اسمبلی کے موقع پر فلسطینی مسئلے کے حل کے لیے اہم کردار ادا کیا۔ انہوں نے کہا کہ حماس کے مثبت اور تعمیری رویے نے جنگ بندی اور پائیدار امن کی راہ ہموار کی ہے، اور اس موقع کو ضائع نہیں ہونے دینا چاہیے۔وزیراعظم شہباز شریف نے اپنے بیان کے اختتام پر کہا:

’’پاکستان اپنے برادر ممالک اور عالمی شراکت داروں کے ساتھ مل کر فلسطینی عوام کے لیے دائمی امن کی جستجو جاری رکھے گا۔‘‘