دنیا بھر میں ” گلابی چاند ” دیکھا گیا

اس سال کا مکمل گلابی چاند دنیا کے مختلف حصوں میں نظر آیا۔ پاکستان میں یہ پنک مون بدھ کی صبح 4 بجکر 49 منٹ پر ہوا۔ غیر ملکی میڈیا رپورٹس کے مطابق 2024 کا مکمل اور گلابی چاند بدھ کی صبح مختلف ممالک میں نظر آیا،پنک مون امریکی وقت کے مطابق شام 7بج کر49 منٹ پر جبک پاکستانی وقت کے مطابق بدھ کی صبح 4 بجکر 49 منٹ پر ہوا۔ برطانیہ، مشرقی یورپ، افریقہ، ایشیا اور آسٹریلیا میں بھی پنک مون دیکھا گیا۔ گلابی چاند ہونے کے دوران  افق پر سیارے مریخ اور زحل بھی دکھائی دیے۔ ماہرین فلکیات کا کہنا ہے کہ  پنک مون کے وقت زمین کا چاند سے فاصلہ انتہائی کم ہوتا ہے۔ چاند ایک سفید بلب کی طرح روشن ہوتا ہے، جسے بغیر کسی آلے یا کیمرے کےآسانی کے ساتھ دیکھا جا سکتا ہے۔