پی آئی اے کی لاہور سے اسکردو اور گلگت کے لیے دوطرفہ پروازیں شروع

پاکستان انٹرنیشنل ایئرلائنز نے 31 مارچ سے لاہور سے اسکردو اور گلگت کے لیے دو طرفہ پروازوں کے آغاز کا اعلان کردیا ہے۔ لاہور سے گلگت روٹ پر پروازیں ہفتے میں 2 بار یعنی پیر اور بدھ کو اڑان بھریں گی  جبکہ لاہور سے اسکردو کی پروازیں جمعرات اور اتوار کو ہوں گی۔ پی آئی اے کے مطابق ان پروازوں سے گلگت بلتستان میں سیاحت کو فروغ ملے گا۔ دوسری جانب  پی آئی اے نے برطانیہ کے لیے براہ راست پروازیں دوبارہ شروع کرنے کے لیے تیاری شروع کردی ہے اور اطلاعات کے مطابق ایئر لائن لندن کے ہیتھرو ایئرپورٹ کی ٹرمینل 4 استعمال کرنے کے لیے انتظامات کررہا ہے۔

پی آئی اے برطانوی حکومت کی جانب سے پابندیاں ہٹنے کے بعد براہ راست اسلام آباد سے لندن اور مانچسٹر کے لیے پروازیں شروع کرے گا۔ تاہم حتمی فیصلہ برطانوی وزارت ٹرانسپورٹ کی طرف سے پاکستان کی سول ایوی ایشن اتھارٹی کا آڈٹ پورا  کرنے کے بعد ہوگا۔