پاکستان چیمبر آف کامرس کا خواتین کو پیشہ ورانہ اور کاروباری میدان میں کامیابی پر خراج تحسین

پاکستان چیمبر آف کامرس نے حال ہی میں خواتین کو پیشہ ورانہ اور کاروباری شعبوں میں کامیابی کی مناسبت سے ایک نمایاں تقریب کا انعقاد کیا، جس میں معزز مقررین نے اپنے تجربات، بصیرت اور کامیابی کے راز شیئر کیے۔سونیا راش، فرح کمال، مصباح چودھری، ثناء سلمان، صدف سلطان اور ساجد جاوید نے اپنی متاثر کن کہانیوں اور قیمتی مشوروں سے حاضرین کو متأثر کیا۔ ان کی موجودگی نے خواتین کی قیادت کے پیشہ ورانہ میدان میں اہم کردار کو اجاگر کیا۔پٹرن ان چیف سلمان رزاقی کی مسلسل حمایت، صدر عامر پیپرانی اور نائب صدر علی بھائی کی قیادت اور رہنمائی نے تقریب کی کامیابی کو یقینی بنایا۔

میڈیا روابط کی ذمہ داری حمیرہ ریحان نے احسن طریقے سے سنبھالی جس کی بدولت تقریب کو وسیع کوریج حاصل ہوئی۔ عفاف شریف کی بہترین رابطہ کاری اور تنظیمی صلاحیتوں نے تقریب کو بے عیب انداز میں منعقد کرنے میں مدد دی۔فوزیہ خلیل خان کی محنت اور منال جعفر کی متاثر کن ایمسی نے تمام شرکاء کے لیے یادگار تجربہ فراہم کیا۔ جہانزیب لکھانی، فراز جاوید اور فروخ خان کی معاونت بھی قابلِ تحسین رہی۔ پاکستان چیمبر آف کامرس خواتین کو کاروبار اور پیشہ ورانہ شعبوں میں بااختیار بنانے اور شمولیت کو فروغ دینے کے لیے پرعزم ہے۔