ٹیم کا اعلان پھر نہ ہوسکا

چیئرمین پاکستان کرکٹ بورڈ محسن نقوی نے ٹی 20 ورلڈ کپ کے لیے  قومی ٹیم کا اعلان روک دیا۔ مختلف ٹی وی چینلز کے مطابق  ٹی20 ورلڈکپ 2024 کیلئے اسکواڈ کے اعلان سے قبل سلیکشن کمیٹی کی میٹنگ میں تمام اراکین کو شامل نہ کرنے پر ناراضگی کا اظہار کرتے ہوئے کہا صرف کپتان، کوچ اور دورہ انگلینڈ پر موجود سلیکٹرز کی رائے کافی نہیں۔ سلیکشن پروسس کے عمل کو مکمل کیا جائے گا،

بعدازاں ٹیم کا اعلان شام میں ہوگا۔ اُدھر ٹی20 ورلڈکپ کیلئے 24 مئی آئی سی سی ڈیڈ لائن کے مطابق آخری تاریخ ہے، میگا ایونٹ سے قبل ٹورنامنٹ میں شریک 20 میں سے 19 ٹیموں نے اپنے اسکواڈ کا اعلان کردیا ہے۔ پاکستانی اکلوتی ٹیم ہے جس نے اب تک ٹیم کا اعلان نہیں کیا۔ یاد رہے کہ  ٹورنامنٹ کا آغاز یکم جون سے ہوگا، پاکستان ایونٹ میں اپنا پہلا میچ 6 جون کو امریکا، 9 جون کو بھارت، 11 جون کو کینیڈا جبکہ 16 جون کو آئرلینڈ کے خلاف کھیلے گا۔